LAOAG CITY – Maladingitian ni Swedish King Carl XVI Gustaf iti napasamak a pammaltog iti pagadalan a nakatayan ti 10 a tattao.
Basar iti report, nakigtot laeng dagiti agad-adal ken mangisursuro iti Orebro, Sweden idi adda ti rimmaot iti nasao a pagadalan.
Naamoan nga amin dagiti natay ket nabirukan iti uneg ti pasdek.
Mamati dagiti otoridad a maymaysa laeng ti suspek iti nasao nga insidente.
Saan met nga ibilang dagiti otoridad a maysa a klase ti terorismo ti napasamak.
Ibilang met ni Prime Minister Ulf Kristersson a daytoy ti kadaraan a pammaltog iti uneg ti pagadalan ti pagilian da.
