LAOAG CITY – Umabot iti 245 a kameng ti Philippine National Police ti naikkat iti serbisio iti umuna a 3 a bulan ti 2026 kas paset napaigetan nga “internal cleansing” ti organisasyon.
Segun ken ni PNP Chief Gen. Jose Melencio Nartatez Jr., ti nasao a bilang ket manipud iti pakabuklan a 765 a kaso administratibo a nadesisyonan manipud Enero 1 agingga Marso 31 ita a tawen.
Inbatad ni Nartatez a gagem ti nasao nga addang a madalusan ti nailian a pulisya ken mapagtalinaed ti integridad ti nasao nga organisasion.
Ti National Capital Region Police Office ti nakairekord iti kangatwan a bilang dagiti naikkat iti serbisio nga umabot iti 67 a personnel, sinaruno ti National Headquarters nga 40.
