LAOAG CITY – Positibo ti search warrant operation nga inyuswat ti PNP-Bacarra, PDEU, Regional Drug Enforcement Unit ken INPPO iti Barangay 39, Pasiocan iti ili ti Bacarra a nakatiliwan ti maysa a lalaki.
Nabigbig ti subject ti operasyon a ni Andy Lim, agtawen ti 30, dati a pintor ken residente iti nadakamat a barangay ken adda iti Number 8 iti Drug Wathclist Regional level.
Nakumpiskar dagiti otoridad ti 20 a pidaso ti plastic sachet a naglaon ti maipagarop a shabu, uppat a sachet iti maatap a marijuana, lima nga empty plastic sachet, lighter ken pito a pisos iti uneg ti pagtaengan ni Lim.
Naamoan a ni Lim ket ummunan a naiwayatan ti drug buy bust operation idi Enero 20, 2020 iti Barangay Canagan ngem nakalibas, napilaan ti kaso ngem na-dismiss.
Mainaig iti daytoy, naglikudan met ni Lim nga adda ti pakainaigan na kadagiti nakumpiskar a maipagarop a droga.
Inpetteng na a nabayagen a saan nga agus-usar ti droga ken saan a pulos a naglako iti daytoy.
