LAOAG CITY – Inpasigurado ni Engr. Reynaldo Organo iti 2nd Engineering District iti Dept. Of Public Works and Highways a mabagaan amin a contractor iti nagduduma a proyekto iti nasao a distrito a solusyunan dagiti tumataod a problema.
Kangrunaan ditoy dagiti proyekto nga adda ti itunda na a problema iti aglawlawa partikular iti reklamo a natapok ken dagiti malayos a dalan.
Partikular a nadakamat ti dalan iti Barangay 23 iti ili ti San Nicolas nga ita ket malaylayos ita a panawen ti panagtutudo.
Gapo iti daytoy, kiniddaw ni Organo ti pannakaawat dagiti motorista kageddan ti panangilawlawag na a maurnong ti danom iti dalan gapo iti pannakatarimaan ti kalsada.
Kunana pay a nakisarita iti contractor ti proyekto a masolusyunan ti nasao a problema.
