LAOAG CITY – Natay ti uppat a Pakistani kalpasan ti napasamak a pammaltog iti Shia Mosque iti ciudad ti Muscat idiay Oman.
Malaksid kadagiti natay ket adda pay ti 30 a sabsabali a nasugatan iti insidente.
Iti statement ti foreign ministry, kinondenar na ti ibilang n kas “dastardly terrorist attack” iti Imam Ali Mosque.
Mabuya iti video nga agtataray dagiti tattao manipod iti mosque ken mangngeg ti naruay a putok ti paltog.
Saanen a nangipaay ti naan-anay a detalye ti Royal Oman Police seknan ti kinatao dagiti biktima ken dagiti suspek.
Mainaig iti daytoy, binisita a dagus ni Pakistan ambassador to Oman Imran Ali dagiti nasugatan a naikabil iti tallo nga ospital idiay Oman, ken naipasingked nga agpapada dagitoyen a natalged.
