LAOAG CITY – Impakaamo ni Mayor James Bryan Alcid ti pannakaisubli ti 4-day work week iti lokal a gobierno ditoy siudad ti Laoag.
Segun kenkuana, daytoy ket gapu pay laeng iti agtultuloy a panagngato ti presio dagiti produkto ti petrolyo .
Inbatadna a kasapulan ti panagsakripisio tapno makakonsumo ti kuryente ken dadduma pay.
Nupay kasta, kunana a no addan ton dagiti solar panels-da ket agsublin ton iti normal a dati a panagtrabaho dagiti sumagmamano nga opisina iti lokal a gobierno ditoy suidad.
Mainaig iti daytoy kunana a dagiti dadduma nga opisina kas kuma kadagiti City Disaster Risk Reduction and Management Office (CDRMMO), City Health Office (CHO), City Agriculture Office ken dadduma pay nga opisina a kasapulan ti operasionna iti tunggal aldaw ket saan a nagbaliw ti aldaw ken oras ti panagserrekda.
Kabayatanna inpasingked ni Mayor Alcid ti agtul-tuloy a serbisio para kadagiti umili ditoy suidad no sadinno ket ti kiddawna iti tunggal maysa ti panagtitinunos iti panawen ti krisis.
