LAOAG CITY – Natay ti lima nga indibidual idinto a kritikal ti maysa a menor de edad kalpasan ti napasamak a pammaltog iti dua nga apartment idiay Nevada, USA.
Basar kadagiti otoridad, ti suspek a ni Erick Adams, agtawen ti 57 ket nagpakamatay babaen ti panangpaltog na ti bukod na a bagi bayat ti panangtiliw koma kenkuana dagiti pulis.
Inbatad ti North Las Vegas Police Department a karaman kadagiti natay ket uppat a babbai ken maysa a lalaki.
Agtultuloy a matamtaming iti ospital ti agtawen ti 13 nga ubing a babai kalpasan a nagsagaba ti nakana a sugat gapu iti pannakapaltog na.
Agpapan ita ket saan pay a nalawag no ania ti motibo iti napasamak a krimen.
