LAOAG CITY – Umabot iti 53 a tattao ti natay kalpasan a naarinebneb ti nagluganan da a Bangka iti kabaybayan a paset ti Libya.
Segun iti United Nations Migration Agency, ti bangka ket addaan ti 55 a pasahero, karaman ditoy ti dua a maladaga idi napasamak ti insidente.
Kinumpirmaran ti International Organization for Migration a dagiti laeng nakalasat manipod iti insidente ket ti dua a babai a Nigerian.
Naamoan a ti Bangka ket nagluganan dagiti migrants ken refugees manipod iti nagduduma a pagilian iti Africa.
Iti rekord ti International Organization for Migration, addan ti agarop 500 a migrants ti natay kalpasan a ginandat da ti bumallasiw iti Mediterranean Sea manipod idiay Libya ita a tawen 2026.
