LAOAG CITY – Pormal nga kinumpirmaran ni Department of Environment and Natural Resources (DENR) Secretary Juan Miguel Cuna ti aplikasion ti pagilian iti maysa a pangsangalubongan a programa a gagem na nga kissayan sagiti super pollutant, kagiddan ti gakat nga insayangkat a taripnong ti maysa nga international climate leadership board inton sumaruno a tawen.
Iti pannakitaripnong ken ni Climate and Clean Air Coalition (CCAC) Secretariat Head Martina Otto iti United Nations Headquarters, iti sidelines ti 81st UN General Assembly, inpaganetget pay ni Cuna ti inkari ti ng Pilipinas nga ilungalong ti nadalus nga angin, salun-at ti publiko ken katibkeran kontra iti epekto ti climate change.
Inbatad ni Cuna ti kasaganaan ti pagilian a karaman iti 2027 batch ti Climate and Clean Air Coalition (CCAC) Super Pollutant Country Action Accelerator program.
Mangipaay ti programa ti $2 milyon agingga $5 milyon a grant iti uneg ti tallo a tawen tapno mangbukel ti grupo ti eksperto iti uneg ti gobierno ken mangipaay ti teknikal a suporta iti kadagiti sektor ti basura, agrikultura ken transportasion.
