LAOAG CITY – Umabot iti walo a tattao ti natay idinto nga 60 a sabsabali dagiti nasugatan kalpasan a nagdinnungpar ti dua a tren iti estado ti West Bengal idiay India.
Basar iti report, nakadinnungpar ti goods train ti maysa nga stationary passenger train iti New Jalpaiguri area.
Inbatad dagiti otoridad nga “human error” ti makitkita da a rason iti panagdinnungpar ti dua a tren ngem itultuloy da latta ti mangiyuswat ti naun-uneg nga imbestigasyon.
Maipalagip a ti India ket maysa kadagiti “largest train networks” iti intero a lubong nga addaan ti minilyon a pasahero iti kada aldaw, ngem kasapula a mapadur-as ken matarimaan a naimbag dagiti railway infrastructure.
