LAOAG CITY – Natay ti siyam a tattao kalpasan a nauram ti ospital iti southern Taiwan.
Basar iti report, nauram ti Pingtung county hospital kagiddan ti panagdisso ti Typhoon Krathon iti Kaohsiung.
Naamoan a gapu iti kinagalis ti kalsada ken kinapigsa ti angin gubuay ti napigsa a bagyo ket narigatan dagiti bombero iti panagresponde da.
Agpapan ita ket saan pay a masinunuo no ania ti nangitunda iti napasamak nga uram ngem adda dagiti mangibagbaga a gapu iti electrical fault.
Gapu iti napasamak ket naibakwit iti agarop 300 a pasyente iti nasao nga ospital no sadinno a kaadoan kadagitoy ket naipan da paylaeng iti asideg a commercial building.
