LAOAG CITY – Namnamaen ni Acting General Manager Perry Martinez a dakkel a katulungan na dagiti 58 baro a meter readers iti Ilocos Norte Electric Cooperative (INEC).
Sakbay a pormal a nangrugi nasao a meter reader iti trabaho da ket adda ti naisayangkat nga orientation program a nakailawlawagan ti misyon, pammati ken prinsipyo ti kooperatiba tapno masigurado ti pannakaipaay ti dekalidad a serbisyo a kalikagom ti gobierno probinsyal.
Kuna ni Martinez a gagem daytoy nga ad-adda a mapapigsa dagiti agserserbi iti kooperatiba ken mapasayaat pay ti serbisyo da ditoy probinsya.
Kabayatanna, inpalagip ni Martinez ti kinapateg ti trabaho dagiti meter readers gapu ta isuda ti mangsigurado nga usto ti bayadan dagiti member-consumers.
