LAOAG CITY – Inpadanun ni Department of Education (DepEd) Sec. Sonny Angara ti pangablaaw na kadagiti agturpos para iti school year 2024-2025.
Iti rakurak na, pinalagipan ni Angara dagiti graduating students nga itugtugot da dagiti napipintas a nasursuro da kas iti panangbukel ti diskarte ken panangisakit iti pada a tao nga isu iti mangmuli kadagiti tattao kas Pilipino.
Kinomendaran met ti sekretaryo dagiti mangisursuro ken school staffs a nangipakita ti dedikasyon iti nagbalin a transpormasyon ken pundasyon ti adal dagiti estudyante nga agturpos ita a tawen.
Inpanakkel pay ni Angara dagiti nagannak a nangsuporta kadagiti annak da a maaddaan ti arapaap ken nangipaay ti inspirasyon kadagitoy tapno artapan dagiti arapaap da.
