LAOAG CITY – Inlawlawag ni Mr. Willie Jake Sib-at, mangidadaulo ti Ilocos Norte Youth Development Office no apay a kasapulanda ti supplemental Annual Investment Plan.
Daytoy ket kalpasan nga adda ti panangkwestionar ni Vice Gov. Matthew Marcos Manotoc ken ni Sangguniang Panlalawigan Member Rafael Medina mainaig iti daytoy.
Inbatadna a dagiti immune-una a programa nga inpanda iti Annual Investment Plan ket dagiti alisto ken dati a maisaysayangkat.
Kunana a ti approval ti Annual Investment Plan 2026 ket ti 1st quarter isu nga adda ti development ken nainayon.
Inpettengna nga adda dagiti existing program a dagitoy ket nabingay iti tallo a dati a maymaysa laeng.
Innayonna a gapu kadagiti baro nga ideya ken gagarda nga ad-adda a mapapintas pay dagiti aktibidad para kadagiti agtutubo ken kasapulanda nga inayon daytoy iti Annual Investment Plan 2026 tapnp mapundoan para iti sumaruno a tawen.
Kabayatanna, sinuportaran met daytoy ti mangidadaulo ti Provincial Planning and Development Office a ni Engr. Pete Agcaoili no sadinno a dinakamatna a paset laeng daytoy iti sibubukel a programa ken proyekto ti Ilocos Norte Youth Development Office.
