LAOAG CITY – Kinontra ni Senate President Pro Tempore Panfilo “Ping” Lacson ti report iti online nga agsukat manen ti liderato iti senado.
Inpetteng ni Lacson a peke ti nasao a damag ken ibilang na daytoy a panangallilaw ken panangulaw laeng daytoy.
Rakurak daytoy ni Lacson kalpasan nga adda ti Facebook page nga agpapabigbig kas media outlet a nakaala ni Senador Alan Peter Cayetano ti makaanay a numero tapno agbalin a Senate president.
Inpalgak ni Lacson a ti usto ken propesyonal a wagas ket asitgan ken kasarita ti Senate president tapno pakaammoan ken ipakita ti resolusyon a pinirmaan ti uray 13 a senador, no sadinno a ti agdama a senate president ket agresign iti panaglukat ti sesyon, saan ketdi a babaen ti media outlet.
Maipalagip nga iti laeng nabiit ket naipatugaw ni Tito Sotto III kas baro a senate president kasukat ni Senador Francis “Chiz” Escudero.
Kabayatanna, uray ni Senador Sherwin Gatchalian ket inpasigurado na nga awan ti panagsukat ti liderato iti senado.
