LAOAG CITY – Aminado ni Department of Justice Sec. Jesus Crispin ‘Boying’ Remulla a saan a dagus a malpas ti imbestigasyon iti anomalya a flood control projects.
Segun ken ni Remulla, mabayag a proseso pay para iti narugyan a case buildup’ kontra kadagiti nairaman iti isyu ti korapsion.
Kunana a mabalin nga agarup 120 nga aldaw sakbay a maipila ti pormal a kaso kontra kadagiti indibidual nga a mapaneknekan a karaman iti anomalya iti infrastructure projects.
Inbatad na a nasayaat no makaiserbi wenno makaala ti ‘warrant of arrest’ kontra kadagiti respondents intono paskua no maiyalisto ti proseso.
Inlawlawag na a daytoy ket gapo ta agtultuloy pay laeng ti ‘case-buildup’ a dumalan pay iti preliminary investigation sakbay a maipila ti kaso iti korte.
Iti agdama ket adda ti nasurok 200 a tattao ti im-imbestigaren ti Department of Justice a maipagarop a karaman iti anomalya.
Kunana a 67 kadagitoy ket ‘cong-tractors’ wenno daiti kontratista a nagbalin a kongresista ngem inpasigurado na a saan a makalusot dagitoy.
