LAOAG CITY – Naglikudan ni dati a senator Antonio Trillanes IV a binisita na ni dati a President Rodrigo Duterte iti International Criminal Court detention center idiay The Hague, Netherlands tapno mangiyuswat ti welfare check.
Segun kenni Trillanes, saan a bimmisita kenni Duterte ken alisto a maamoan daytoy gapo ta naibaga ti International Criminal Court kadakuada ti polisiya iti detention center.
Inbatad ni Trillanes nga adda ti access ti dati a Presidente iti telepono 24/7 isut gapo na a mabalin na a maimpormaran ti pamilya na no ania ti napasamak.
Ummuna iti daytoy, nagpila ni Senator Robin Padilla ti resolusyon a manggutigot iti Senado nga imbestigaren ti maipagarop a pannakadesignar ni Trillanes a mangiyuswat ti welfare check iti dati a presidente kabayatan nga adda iti The Hague.
