LAOAG CITY – Manarimaan ti panangisayangkat ti Ilocos Norte Provincial Jail ti ‘National Correctional Consciousness Week’ a nangrugi idi miyerkules, Oktubre 8 ken agpaot agingga intono.
Segun ken ni Jail Warden Edietor Guiang, ti nasao a programa ket addaan ti tema nga “Uplifting Life, Upholding Rights Unity for Progress”.
Kuna ni Guiang a karaman kadagiti maitampok iti selebrasyon ti ‘National Correctional Consciousness Week’ ket dagiti nagduduma nga sporting events kas iti basketball, volleyball, chess ken badminton a pakipartisiparan dagiti Persons Deprived of Liberty.
Inpakaammo ni Guiang a makipartisipar pay iti nasao a selebrasyon dagiti nagduduma nga ahensya ti gobierno kas iti Provincial Prosecutor’s Office, Public Attorney’s Office, Parole and Probation Office, ken adda met ti koordinasyon ti Bureau of Jail Management and Penology.
Innayon ni Guiang a maisayangkat ti awarding dagiti mangabak intono Oktubre 28 nga isupay ti schedule ti panagbisita ti pamilya dagiti balud.
Ti ‘National Correctional Consciousness Week’ ket naestablisar idi panawen ni dati a Presidente Fidel V. Ramos.
