LAOAG CITY – Manamnama a sumango inton bigat, Oktubre 14 iti panagdengngeg ti Independent Commission for Infrastructure (ICI) ni dati nga House Speaker ken agdama a Leyte Rep. Martin Romualdez, kagiddan ti imbitasion nga inpatulod kenkuana ti komision iti napalabas a lawas.
Inbatad ni Independent Commission for Infrastructure Spokesperson Atty. Brian Hosaka, inawat ni Romualdez ti imbitasion ken nangipeksa ti sitatallugod a panagatendar tapno makikaysa iti imbestigasion ti komision.
Karaman kadagiti matalantan a saludsod iti panagdengngeg ket ti idi isuna pay laeng ti Speaker ti Kamara pakairamanan dagiti detalye ti budget allocations para kadagiti flood-control projects a naiwayat iti babaen ti panangidaulona.
Kabayatanna, kiddawen met ti komision iti Regional Trial Court nga ipa-cite in contempt ni dati a Rep. Zaldy Co no mapaay manen a sumango iti panagdengngeg ti komision inton bigat, Oktubre 14.
Inbatad ni Hosaka, pannakangiwat ti komiiyon, mabalin daytoy nga agresulta iti pannakairuar ti warrant of arrest kontra iti dati a kongresista no bilang mangiparuk-at ti korte ti contempt order.
Basar iti report, saan pay a simmungbat ni Co iti subpoena nga inpatulod ti Independent Commission for Infrastructure mainaig iti imbestigasion iti maipagarup a maanomalya a flood control projects.
