LAOAG CITY – Plano ti Department of Education (DepEd) a mangkita kadagiti nagrikeo a pribado a pagadalan ken dadduma pay a pribado a sanikua tapno mapagbalin a classroom ken tapno masolbar ti panagkurkurang dagiti classroom.
Babaen iti panagbinnulig na iti Student First Coalition, nangiyuswat ti DepEd ti Classroom Market Scoping Activity kadagiti real estate developers, government agencies, ken property management groups tapno ma- evaluate ti kapasidad ti private sector ken para iti dadduma pay nga estratehiya.
Tampok iti aktibidad ti presentation iti DepEd’s Standard Classroom Specifications, dagiti kasapulan kadagiti classroom ken ti detalye iti Leasing Pilot Program.
Segun kenni DepEd Secretary Sonny Angara, no adda dagiti pagadalan ken pasdek a nakatengga ket mabalin a mausar ken malukatan para kadagiti agad-adal.
Maysa kadagiti sanikua a makitkita ti departamento ket ti posible a panagrenta iti private school idiay Laguna a nagrikep sipud idi 2020.
