LAOAG CITY – Sumango ti kaso kriminal ti sumurok 40 nga indibidual a nangidaulo ti tignay-protesta kontra iti korapsion idi Setiembre 21 ita a tawen.
Inbatad ni Criminal Investigation and Detection Group (CIDG) Major General Robert Alexander Morico III, karaman iti respondents dagiti nangidaulo ti riribuk nga inwayat dagiti nagduduma a grupo a Trillion Peso March.
Saan metten nga inbuksilan ti Criminal Investigation and Detection Group official idi nasaludsod iti pakabigbigan dagiti makasoan nga indibidual.
Target ti Criminal Investigation and Detection Group nga ipila dagiti kaso inton sumaruno a lawas ngem saanna a dinakamat no ania a partikular a kaso ti maipila.
Inpetteng ni Maj. Gen Morico nga imbestigaranda dagiti karaman iti daytoy a saan laeng dagiti babassit nga indibidual no diket pakairamanan dagiti dadakkel a personalidad.
Maipalagip nga iti kangitingitan ti tignay-protesta idi Setiembre 21, dinadael dagiti sumagmamano a demonstrador dagiti sumagmamano a sanikua ti gobierno rason a basar iti Criminal Investigation and Detection Group chief a nasken a mapagsungbat dagiti akin-utek iti likudan ti kinaranggas.
