LAOAG CITY – Billigi ti pannakaiwayat ti Water Search and Rescue (WASAR) Training ditoy ciudad ti Laoag.
Daytoy ti inpakaammo ni Dr. Melvin Manuel, mangidadaulo iti City Disaster Risk Reduction Management Office ditoy ciudad.
Segun kenni Manuel, kadagupan kadagiti 33 a nakipartisipar ket 19 laeng dagiti nagturpos iti nasao a panagsanay.
Inbatadna a dagiti dadduma ket saan a kinabaelan ti bagida isut gapuna nga ado dagiti naikkat ken saanen a nagtuloy pay.
Kunana a dagiti kangrunaan a dimmalan iti Water Search and Rescue training ket dagiti addaan ti beach resortna, maysa a nagapo ti City Disaster Risk Reduction Management Office ken dadduma pay.
Mainaig iti daytoy, kuna ni Manuel a daytoy a panagsanay ket tapno ad-addo dagiti katulunganda no adda dagiti insidente ti pannakalmes wenno didigra .
Kabayatanna, ti nasao nga aktibidad ket inwayat ti City Government babaen ti City Disaster Risk Reduction Management Office ken Philippine Coast Guard.
