LAOAG CITY – Bwineltaan ni House Minority Leader Sandro Marcos ni Senador Imee Marcos kalpasan dagiti rakurak na kontra kenni Pres. Ferdinand Marcos Jr. ken First Lady Araneta-Marcos, keninawagan na a ”web of lies” ken awan ti pagibasaran na.
Segun kenni Sandro, nasakit para kenkuana nga immabot iti punto nga uray isuna ket mairamraman, ken inpetteng na a kabaelan na a paneknekan kadua na dagiti kasinsin na a saan a pudno daytoy.
Maipalagip nga iti anti-corruption rally ti Iglesia ni Cristo (INC) idi Martes, Nobyembre 17, nakapungtot ni Senador Marcos kalpasan a maipagarop nga indiaya na ti sumagmamano a miembro ti First Family dagiti annak a nga agusar iti iligal a droga.
Inbutaktak na pay ti nabayagen a problema iti droga ti kabsat na a ni Pres. Marcos Jr., First Lady Liza Marcos, ken dagiti annak na.
Inbatad pay ti Senador a napilitan nga agsao kalpasan a nakadanon kenkuana a naidiaya kadagiti annak na ti droga.
Nupay kasta, inbatad ni Cong. Sandro a maladingitan nga us-usaren ti Senador ti isyu tapno tapno mangitunda ti destabilisasyon.
Immapela pay ti Kongresista ti panagkaykaysa ken ginutigot na ti publiko a saan nga agpausar kadagiti addaan ti gagem na a gulo.
