LAOAG CITY – Natiliw ti agtawen ti 18 a babai nga estudyante ken residente iti Barangay Poblacion 2 iti ili ti Pasuquin kalpasan a nagtakaw kadagit beauty products iti SM Mall.
Basar iti imbestigasyon ti Philippine National Police (PNP) ditoy ciudad ti Laoag, kabayatan ti panagroving dagiti security guards iti upper ground iti SM Mall ket nabagaan nga imonitor da ti suspek a naka-uniform ti yellow ken blue a nakaiggem ti paper bag nga addaan ti marka SM Store.
Ditoy a natiliw ti suspek gapo iti innala na nga uppat a pidaso ti Skintific Mugwort nga agbalor iti P2,116; maysa a Skintific Niacinamide nga agbalor iti P529; maysa a Cream Puff nga agbalor iti 290; maysa a Rose bud Lip Maxx nga agbalor ti P399; maysa a pidaso Creamy Mattes nga agbalor ti P299; maysa a Minoso Fashion Hair P129; ken 1 a bundle ti 3 pair sports nga agbalor ti P399 nga agbalor amin iti P4,170.
Iti agdama, nagtalinaed iti Philippine National Police ti suspek ken mapilaan ti kaso a panagtatakaw.
