LAOAG CITY – Sinelebraran ti Department of Labor and Employment (DOLE) ti National Children’s Month iti babaen ti panangipaay ti tulong kadagiti pamilya nga addaan ti annak nga adda iti risgo ti labor exploitation.
Karaman kadagiti aktibidad ti awareness campaigns, community engagements, livelihood interventions, ken ti panagibunong ti support packages.
Gagem ti Department of Labor and Employment a protehiran dagiti ubbing ken palawaen dagiti oportunidad iti mapastrek para kadagiti pamilya nga agkasapulan.
Kas panangselebrar ti National Children’s Month, nagkari ti Department of Labor and Employment a mangipaay ti namnama iti babaen ti panangtulong kadagiti pamilya nga addaan ti annak nga adda iti risgo ti labor exploitation.
Paset daytoy ti gagem ti administrasyon a mangipatakder ti nataltalged a komunidad para kadagiti ubbing ken palawaen dagiti oportunidad iti mapastrek para kadagiti pamilya nga agkasapulan para iti child-labor-free Philippines.
Ita a bolan ket nangisayangkat dagiti regional offices ti Department of Labor and Employment ti awareness campaigns, community engagements, ken ti livelihood interventions a nangipaay kadagiti serbisyo kadagiti ubbing ken nagannak.
Karaman kadagiti aktibidad dagiti learning session, protection advocacy, ken panagibunong ti support packages a nadisenyo tapno maalay-ayan ti panagparikot ti pinansyal a masansan a mangiduron kadagiti ubbing a sumrek kadagiti hazardous work.
