LAOAG CITY – Imbestigaren ti Ilocos Norte Electric Cooperative (INEC) no ania ti rason nga adda ti 4600 a metro ti saan nga agkutkuti wenno ag-zero reading iti napalpalabas a tawen.
Segun kenni Assistant General Manager Perry Martinez, ivalidate da no ti rason daytoy ket problema iti metro wenno dagiti tao ti Ilocos Norte Electric Cooperative.
Inbatad na a daytoy ket iti paset ti Area II wenno iti Laoag-Bacarra ken suagmamano a paset ti ili ti Pasuquin.
Inlawlawag a gapo iti daytoy ket 4600 ti saan nga agkonkonsumo iti kuryente ken daytoy ket awan ti masingsingir ti kooperatiba wenno rumuar a systems loss.
Kunana a dakkel ti epekto na iti pinansyal daytoy iti system loss.
Inpetteng na a no maduktalan nga ada ti anomalya kadagiti tao da ket saan a patas para kadagiti member consumers.
Innayon na a no maberipikar iti problema ket nasken kuma nga adda ti nasursurok ngem 100 a milyon a pisos a koleksyon ti Ilocos Norte Electric Cooperative.
