LAOAG CITY – Kasapulan nga isubmitir pay laeng ti Department of Justice (DOJ) kas pormal nga ebidensia dagiti akusasion a naaddaan ti insertions dagiti kongresista.
Daytoy ti inrakurak ni Atty. Polo Martinez, pannakangiwat ti Department of Justice iti alegasion nga adu a kongresista ti maipagarup a naaddaan ti insertions iti nailian a pundo.
Inbatad ni Martinez, kasapulan nga isubmitir ti listaan ngem masapul nga addaan ti testimonia, nakaipalaon pay ti nagian iti listaan ken nasken a sapataan wenno naka-notaryo.
Kunana a masapul pay a karaman daytoy kadagiti dadduma pay nga ebidensia gapu ta saan daytoy nga umdas no daytoy laeng ti mausar a pangibasaran.
Inpetteng ni Martinez a nakasaganada a makitinnulong no bilang adda ti indibidual a dumatag tapno ibutaktak dagiti ammona.
Inpasingked ti Justice Department a tingitingenda a naimbag dagiti maisubmitir nga ebidensia.
