LAOAG CITY – Inpalubos ti local a gobierno iti ili ti San Nicolas a Barangay certificate laeng ti maipakita iti slaughter house kadagiti mapan agpaparti ti baboy ita a bisperas ti baro a tawen.
Daytoy ti inbatad ni Mrs. Cecil Sambrano, ti Municipal Agriculturist, gapu ta awan ti opisina ngem iberipikar danto amin dagitoy iti panagsubli da iti trabaho intono Lunes, Enero 5, 2026.
Inlawlawag na a daytoy nga addang ket para laeng ita nga holiday season kangrunaan na iti bisperas ti baro a tawen agingga intono domingo, Enero 4.
Innayon na a gapu iti kaado dagiti agpaparti ket danunen payen ti meat inspector dagiti paglechonan tapno isu ti pagsingiranda ti slaughter fee ken amwenda no naggapoan dagiti baboy.
