LAOAG CITY – Naragsak nga inpakaammo ni Ms. Ryan Rollaine Simon, mangidadaulo ti Municipal Disaster Risk Reduction and Management Office iti ili ti San Nicolas nga awan dagiti seryoso a napasamak kabayatan ti panangsarabo ti baro a tawen.
Segun kenkuana, daytoy ket kalpasan a nagbalin a naiget ti panagbantay dagiti kameng ti Philippine National Police, Bureau of Fire Protection, barangay officials ken dadduma pay kadagiti umili.
Inbatadna a naipakaammo kadagiti residente dagiti nasken nga aramidenda tapno maliklikan nga adda ti mapasamak kadakuada a saan a napintas.
Malaksid iti daytoy, kunana a naiget pay ti panangmonitorda kadagiti kangrunaan a nalatak a pagpasiaran ita nga umuna nga aldaw mismo ti baro a tawen kas kadagiti kabaybayan.
