LAOAG CITY – Agtultuloy ti panangbigbig ti city government ti dakkel nga akem ken tulong dagiti Non-Government Organizations (NGO) ti panag-progreso ditoy ciudad ti Laoag.
Segun kenni Mayor James Bryan Alcid, daytoy ti makaigapu no apay a nangiwayat da ti Non-Government Organizations Night kas maysa kadagiti highlights ti Pamulinawen Festival 2026.
Inbatad na a daytoy ti maysa a wagas ti panagyaman da ken panangbigbig kadagiti Non-Government Organizations ditoy ciudad ti Laoag.
Ti Non-Government Organizations Nights ket naiwayat iti Laoag City Multi-Purpose Hall a nakipagpasetan dagiti opisyal ti city government ken Non-Government Organizations kas iti Philippine Red Cross, Federation of Senior Citizen, ken dadduma pay.
Kuna ti mayor a saludaran ken napalaus ti panagyaman na iti agtultuloy a suporta dagiti nagduduma a Non-Government Organizations kadagiti programa ti gobierno lokal ditoy ciudad kas kadagiti social services para kadagiti residente ditoy cudad.
