LAOAG CITY – Inpasigurado ni Police major Kristian Lee Badua, ti pannakangiwat ti Ilocos Norte Police Provincial Office nga awan ti diskriminasyon wenno panagpili dagiti kameng ti Philippine National Police iti tiliwen da kadagiti maisaysayangkat a checkpoint.
Sungbat daytoy ni Badua kalpasan nga adda dagiti sumagmamano a motorista nga agrekreklamo gapo ta maipagarop a kaadwan kadagiti masitsita ket dagiti slow moving vehicle ngem saan kadagiti four wheeled vehicles.
Inpetteng na a daytoy ti naipagagangay a misconception dagiti motorista ngem inpasingkedna nga awan ti kinapudo na.
Innayon na a basar iti datos ti Philippine National Police ket ado dagiti maikrekrekord a gun for hire iti pagilyan nga agus-usar kadagiti lugan nga alisto a maitaray.
Kuna na pay nga adda ti posibilidad a dagiti slow moving vehicle ti kangrunaan a makitkita nga agsalungasing kadagiti pagannurutan iti trapiko itu gapuna nga isuda ti masitsita.
Nupay kasta, inpaganetget ni Badua nga ti pilpilien da a sitaen no di ket agpapada amin ti trato da kadagiti motorista.
