LAOAG CITY – Imonmonitor ti Department of Health (DOH) ti agarup 10 a nagduduma nga agas a posible a maapektaran ti tension iti Middle East.
Inbatad ni Health Secretary Teodoro Herbosa a karaman kadagiti agas a naipan iti monitoring ket ti anti-hypertensive medicine, anti-diabetes medicine, anti-cholesterol medicine, antibiotics ken dadduma pay.
Inlawlawagna nga awan met ti isyu iti presio wenno suplay dagiti agas iti agdama.
Adda pay ti drug price monitoring index ti pagilian ken ti common medicine prices ket pagtaltalinaeden iti babaen ti Cheaper Medicines Act.
