LAOAG CITY – Inpakaammo ni Mrs. Perlita Canello, mangidadaulo ti City Social Welfare and Development Office (CSWDO) a nakaawat dagiti 80 a residente ti tulong babaen ti Assistance to Individual in Crisis Situation (AICS) a medikal ken transportation assistance ditoy siudad ti Laoag.
Kinunana nga ado pay dagiti maisagsagana a tulong para kadagiti umili ditoy siudad.
Inpanamnamana ti alisto a pannakaipaay ti tulong kadagiti umili para iti ad-adda a panagprogreso ditoy siudad ken masigurado a makadanon daytoy kadagiti maseknan.
Kabayatanna, inpasingkedna a babaen iti Local Government Unit (LGU) agtultuloy ti suporta ken tulong para kadagiti umili kangrunaan iti baet ti mapaspasaran a krisis.
