LAOAG CITY – Inrakurak ni House Deputy Speaker ken National Unity Party (NUP) chairman Ronnie Puno a nasurok a kagudua iti 55 a miyembro ti grupo da ti mangsupsuporta iti impeachment complaints kontra ken ni Vice President Sara Duterte.
Inbatad ni Puno a maisayangkat pay ti maysa a rikos ti konsultasyon kadagiti kongresista kadagiti masakupan da sakbay ti manamnama a panagbobotos intono Lunes, Mayo 11.
Aminado ni Puno nga idi damo ket negatibo ti panagkita ti kaadoan iti partido da mainaig iti impeachment, ngem ita ket nalawagen ti mayorya, mapatta-patta a 30 a miyembro, ket pabor a maipatulod ti reklamo iti Senado.
Inpetteng pay ti NUP a dagiti miyembro da ket agusar iti conscience vote iti isyu ti panagsukisok iti panangpadisi iti bise presidente.
