LAOAG CITY – Nadismaya ni Senate Majority Leader Migz Zubiri iti panangidaulo ti Philippine Coast Guard (PCG) gapu iti saan a nausar a pundo para iti modernisasion ti ahensia.
Dinakamat ni Zubiri nga inaramid pay nga isyu kontra iti 19th Congress ti panangpundo iti modernisasion ti Philippine Coast Guard.
Inpaayanda ti P2.4 billion a pundo ti Coast Guard para iti panagpaaramid ti moderno a barko.
Rumrummuar a naipasubli ti nasao a pundo iti National Treasury nupay nakasaganan ti pundo para iti panaggatang ti barko iti maysa nga Australian government a plinano pay nga aramiden ti barko iti maysa a shipyard idiay Cebu.
Agpapan iti daytoy a gundaway ket saan pay a nalawag no ania ti napasamak ken ania a red tape ti maibagbaga isut gapuna a paim-imbestigaran ti Senador ti isyu iti Senate Committee on Finance.
