LAOAG CITY – Inanunsio ni Presidente Ferdinand Marcos Jr. ti planona a mangipasdek ti 349 nga specialty centers sakbay a malpas ti terminona inton 2028.
Daytoy ket kalpasan a nalidayan ti Presidente ti limitado nga specialty centers kadagiti ospital iti pagilian.
Inbatad ni Marcos a ti kinakurang ti specialized health services ti mangparparigat kadagiti pasiente nga agkasapulan ti medical attention.
Inlawlawagna a gapu iti Covid-19 pandemic ket naammiris a kasapulan ti ad-adu pay nga specialty centers.
Kunana a naruay a pasiente ti napaay a makadanon ti ospital idi panawen ti pandemia idinto a ti dadduma ket saan a naaramid nga akomodaren gapu ta overcrowded dagiti ospital.
