LAOAG CITY – Imbilin ni Philippine National Police (PNP) Chief Police General Jose Melencio Nartatez Jr. ti naiget nga imbestigasion iti maipagarup a “secret meetings” a pakainaigan dagiti kabagian kadagiti mapukpukaw a mammallot ken sumagmamano a na-relieve a pulis a karaamn iti kontrobersial a kaso a pannakapukaw dagiti e-sabong enthusiasts.
Segun ken ni Nartatez, kitaenda no adda ti sabali pay a pulis a timmulong iti pannakaurnos dagiti panagtalantan a rimuar kalpasan a masuspinde ti dua a pulis gapu iti reklamo iti National Police Commission (Napolcom).
Maipalagip a mano a dosena a mammallot ti mapukpukaw manipud 2021 agingga 2022 kalpasan nga adda pakainaigan dagitoy ti maipagarup nga e-sabong operations.
Innayon pay ni Nartatez nga aggeddan ti internal investigation ken imbstigasion ti Napolcom ken inpettengna nga awan ti maikkan ti pabor ken agsungbat ti siasinno man a mapaneknekan nga aglabsing iti linteg.
