LAOAG CITY – Nagpangta ni Sen. Erwin Tulfo nga imandar na ti pannakaarestar dagiti senador a mangisayangkat ti peke a panagdengngeg iti Senate Blue Ribbon Committee no saan nga isuna a mismo ti ag-preside kas chairman iti nasao a komite.
Iti interview, inpetteng ni Tulfo nga suna ti lehitimo a chairman ti Senate Blue Ribbon Committee ken kakaisuna nga addaan ti otoridad nga agpaawag ti legislative inquiry.
Inrakurak daytoy ni Tulfo kalpasan a ti bloc nga idaulwan ni Senador Alan Peter Cayetano ket nangisayangkat ti Blue Ribbon hearing idi huwebes iti panangidaulo da Sen. Pia Cayetano ken Sen. Rodante Marcoleta.
Ti naiyuswat a panagdengngeg ket inatendaran dagiti 18 a dati a soldado ken marino, a maipagarop nga agtrabtrabaho para ken ni dati nga Ako Bicol Rep. Zaldy Co.
