LAOAG CITY – Napasaran ti Germany ti kaunaan a pannakaabak iti penalty shootout iti pakasaritaan ti FIFA World Cup kalpasan ti naiget a labanda ti Paraguay iti maysa a makapatengngel anges nga ay-ayam iti knockout stage ti FIFA World Cup 2026.
Lamang ti Germany a manarimaan nga adda iti maika-12 a puesto iti world rankings iti dakkel a paset ti umuna a kagudua ti ay-ayam kontra iti Paraguay a Rank 33.
Nupay kasta, narigatan ti Germany a makaaramid dagiti nalawag a gundaway tapno makapuntos.
Ginundawayan met ti Paraguay ti maysa a dakkel a biddot iti depensa ti Germany idi nabati nga awan ti bantay ni Julio Enciso iti uneg ti penalty area nga insigida a naikabil iti babaen ti header tapno irehistro ti umuna a goal ti laban.
Gapu iti daytoy, umaboten iti sangapulo a nagsasaruno a World Cup matches ti Germany nga agtultuloy a makilablaban ti puntos.
