LAOAG CITY – Limitaren ti Commission on Elections iti 600 a botante ti tunggal presinto iti umuna a Bangsamoro parliamentary elections tapno maliklikan ti atiddog a pila ken mapaalisto ti panagbutos.
Inrakurak ni Commission on Elections Chair George Erwin Garcia nga immabot ti 800 agingga 1,000 ti botante iti tunggal presinto iti napalabas nga eleksion iti rehion gapu ta limitado laeng ti pundo.
Segun ken ni Garcia, inpasigurado ti Commission on Elections nga 600 laeng a botante ti maikabil iti tunggal presinto tapno agbalin nga al-alisto ken nalaglag-an ti proseso ti panagbutos.
Ginutigotna dagiti partido ti panangpulitika ken dagiti kandidato iti rehion a tumulong iti panangipakaammo kadagiti sakupenda maipanggep iti pannakabalbaliw iti daytoy.
Kabayatanna, basar iti poll chief a 2.39 million a balota ti naimprenta para iti eleksion nga agbalor ti P63 million.
Kunana a manamnama a mabayagan ti saan a nababbaba ti maysa a lawas ti panagimprenta dagiti balota.
Inpaganetgetna pay nga awan ti sobra a balota ti naimprenta ken tunggal agbutos ket addaan laeng ti saggaysa a balota tapno maliklikan ti posible a panagswitik iti eleksion.
