LAOAG CITY – Inpetteng ti kampo ni dati nga House Speaker ken Leyte Rep. Ferdinand Martin Romualdez nga awan ti plano na a pumanaw iti pagilian ken sangwen na ti reklamo a maipila kontra kenkuana iti Office of the Ombudsman iti kanito a pormal a maipaayan ti kopya.
Segun ti pannakangiwat ti dati nga House Speaker a ni Atty. Elaine Atienza, naglikudan da dagiti akusasyon a manglikliklik ni Romualdez iti legal a proseso.
Kuna na nga agtalinaed ti agpanpanday linteg iti Pilipinas ken sungbatan na ti reklamo no maipaayanen ti kopya daytoy.
Inpaganetget pay ni Atienza nga adda paylaeng iti preliminary investigation ti kaso ken awan pay ti naipila a kaso criminal iti Sandiganbayan.
Innayon na a nagtalinaed a maipatpatungpal ti presumption of innocence ken agtalek a madalusan ti nagan ni Romualdez no natingitingen dagiti ebidensya.
