LAOAG CITY – Inbatad ni Assistant Sec. Michael Christope Agustin, Commissioner Representing Luzon ti National Youth Commission ti agtul-tuloy a suportada maipanggep kadagiti scholarship program para kadagiti agtutubo.
Kunana a daytoy nga adminstrasion ket kalikagumna a maipalawa ti scholarship program para kadagiti agtutubo iti intero a pagilian.
Impakaamona nga adda pay ti PBBM scholarship a dakkel launay a makatulong kadagiti agtutubo iti panagbasada aglalo iti masakbayanda.
Mainaig iti daytoy, kinuna ni Agustin a sapasap dagiti sholarship no sadinno maikkan ti tunggal agtutubo ti gundaway nga ag-avail kadagitoy a programa.
Innayonna pay a ti National Youth Commission ket araramidenna ken kitkitaenna ti amin tapno awan iti mabati nga agtutubo maipapan iti edukasion.
