LAOAG CITY – Indauloan ni dati a Department of Public Works and Highways (DPWH) Secretary Vince Dizon ti naiwayat nga inspeksion iti Kilicao-Binitayan Bridge iti ili ti Daraga, Albay sakbay ti panagsublina iti Department of Transportation (DOTr) kas Sekretario.
Inpakaammo ni Dizon ti manamnama a panaglukat ti dua a lane (two lanes) iti nasao a rangtay kadagiti motorista intono sumaruno a lawas sakbay ti Undas.
Inabatd ni Dizon a ti alisto a pannakaipatungpal ti proyekto ket gapu iti direktiba ti agdama nga administrasion.
Kinunana a kalpasan ti 15 a tawen a naitantan ti nasao a proyekto ket mabalin daytoy nga usarenen ti publiko.
Kabayatanna, maragsakan met ni Albay Governor Noel Rosal iti nasao a rangtay nga agserbi kas bypass road kadagiti nagduduma a barangay ken distrito iti lugar.
