Rinugyanen ti Spain ti tallo nga aldaw a panagladingit kalpasan ti ipupusay ti 68 a tattao ken dinosdosena a sabsabali dagiti nasugatan iti panagdinnungpar ti dua nga high-speed train iti nasao a pagilian.
Naamoan a nagpatpatnag dagiti emergency crews a nagtrabaho tapno malukatan ti metal carriages para iti panagbiruk da kadagiti biktima, no sadinno a kaadoan kadagiti natay ket saan pay a nabigbig.
Iti agdama, naiget ti isaysayangkat nga imbestigasyon dagiti otoridad tapno maamoan ti nangitunda ti napasamak nga insidente.
Ti dua a tren ket agdaldalyasat manipod iti Madrid agturong iti Seville idi napasamak ti trahedya.
Mainaig iti daytoy, inbatad ni Prime Minister Pedro Sánchez a ti sibubukel a pagilian da ket agladladingit gapu ta ado a biag ti napukaw ken saan a mailadawan ti marikrikna a sakit dagiti pamilya da.
