LAOAG CITY – Nasuspenso ti number coding scheme iti Metro Manila manipud intono Lunes, Nobiembre 16 agingga Mierkoles, Nobiembre 18, kageddan ti pannakaisayangkat ti ASEAN Summit ditoy pagilian.
Kalikagum ti pannakasuspenso a mapaalisto ti panagbiahe dagiti motorista ken maliklikan dagiti aniaman a lapped iti baet ti panagsagsagana ken kabayatan dagiti aktibidad para iti panagtitipon dagiti lider ken delegado manipud iti nagduduma a pagilian.
Iti uneg iti tallo nga aldaw, saan pay laeng a maipatungpal ti Unified Vehicular Volume Reduction Program (UVVRP) wenno ti number coding scheme kadagiti siudad a sakupen ti Metro Manila.
Nupay kasta, agtaltalinaed ti panagballaagda kadagiti motorista ti panagpatalinaedda nga updated kadagiti ballaag dagiti otoridad mainaig iti manamnama a pannakaiserra ti kalsada ken ti pannakaibalbaliw ti garaw ti trapiko gapu iti ASEAN Summit.
