Pormal nga inakem ti Department of Labor and Employment (DOLE) ti panangidaulo iti ASEAN Labour Inspection Committee (ALICOM) para iti 2027 iti maika-6 a panagtataripnong na iti Clark Freeport Zone, Pampanga.
Iti babaen ni Labor Secretary Francis N. Tolentiono, indauloan ti Department of Labor and Employment (DOLE) ti rehional a komite iti panangilungalong ti proteksion kadagiti mangmangged ken panangpapigsa ti kooperasion iti labor inspection iti Southeast Asia.
Inaawat ni Department of Labor and Employment (DOLE) Undersecretary Felipe Egargo Jr. ti chairmanship iti nagan ti departamento.
Inpaganetget na ti kinapateg ti nasapa nga inspeksion tapno maipasigurado a maipatpatungpal dagiti linteg ken maprotehiran dagiti mangmangged iti bukod da a lugar ti trabaho.
Tinatrat pay iti taripnong ti ALICOM Work Plan 2022-2030 nga addan ti uppat a prioridad: panangpapigsa iti kabaelan dagiti labor inspector, panangipatungpal dagiti pagannurotan iti informal economu ken micro, small and medium enterprises (MSMEs), proteksion kadagiti ‘vulnerable’ a mangmangnged, ken panagusar ti digital a ramit.
Pakairamanan iti komite dagiti mangibagbagi manipud iti 10 a pagilian a kameng ti ASEAN, ken dagiti observer delegation manipud iti Timor-Leste, International Labour Organization (ILO), International Association of Labour Inspection (IALI), dagiti gunglo ti employers ken trade union councils.
