LAOAG CITY – Inpakaammo ni Miss Chariz Garma, ti mangidadaulo iti Department of the Interior and Local Government ditoy ciudad ti Laoag nga addan dagiti nangipasa ti oath of office a manglitop kadagiti nabakantean a posisyon iti nagduduma a barangay ditoy ciudad.
Kuna na nga addan dagiti nagsapata a baro a sekretaryo ken adda pay dagiti manamnama a sumaruno nga agsapata.
Mangnamnama ni Garma a maanusan dagiti maseknan ti trabaho da.
Inpasingked na a nakasagana da a mangiwanwan kadagitoy aglalo no saan da pay a kabisado ti sinerrek da a trabaho wenno posisyon iti uneg ti barangay da.
Maipalagip nga immunan nga inbatad ni Garma a malaksid kadagiti barangay officials ket adda pay dagiti Sang Kabataang officials a nagresign ditoy ciudad ti Laoag.
