LAOAG CITY – Umaboten iti 5,500 ti bilang dagiti nakairenew ti Business Permit na ditoy ciudad ti Laoag.
Segun kenni Atty. Charito Malicad, ti mangidadaulo iti Business Permit and Licensing Office ditoy ciudad ti Laoag, adda pay ti agarup 800 dagiti saan pay a nakairenew ti business permit na.
Inbatad ni Malicad a ti namnamaen da a bilang dagiti makairenew ti business permit na ket 6,300 isut gapu na ng iyur-uray da paylaeng dagiti dadduma a mapan agrenew iti opisina da.
Inlawlawag ni Malicad nga awan pay ti kwarta dagiti dadduma a negosyante a pagirenew ti negosyo da idinto a dagiti dadduma ket mabalin nga ado ti pakakumikuman da.
Kabayatanna, nagpalagip ni Malicad a dagiti saan a makairenew ti business permit na agingga iti deadline ket otomatiko nga adda iti penalty na.
