LAOAG CITY – Umabot iti agarop $31.6-billion ti nagastos ti Estados Unidos iti panagturong ti Artemis II Mission iti bolan (Moon).
Daytoy ti inrakurak ni Bombo International News Correspondent Isidro Madamba iti Estados Unidos.
Kuna pay ni Madamba a basar iti impormasyon da ket umabot laeng iti $152,000 ti kompensasyon iti tunggal maysa kadagiti uppat nga astronaut a nagturong iti bolan.
Innayon na a ti maysa kadagiti maibilang a nagballigian ti Artemis II Mission ket no kasanu da pay a naan-anay nga adalen ti makunkuna a bolan, no mabalin a pagnaedan ti tao ken no ania pay ti mabalin nga adalen iti daytoy.
Malaksid iti daytoy, ti napateg pay nga adal iti Artemis II Mission ket no ania pay ti mabalin nga aramiden ti siyensa tapno ad-ado pay ti maduktalan para iti pagsayaatan ti law-ang.
