LAOAG CITY – Dumanon iti agarup 200 a distressed Overseas Filipino Workers dagiti nagipasa ti aplikasion para iti maipaay a cash assistance manipud iti gobierno probinsial.
Nupay kasta, segun iti Office of the Barangay Affairs, 100 laeng a distressed Overseas Filipino Workers ti mabenepisiaran iti nasao a programa.
Basar iti nasao nga opisina, daytoy ket kalpasan a maysa laeng a milyon a pisos ti nailatang a pundo para ita a tawen.
Inpasingked met ti Office of the Barangay Affairs a mabalin latta nga ag-avail dagiti saan a mapili a benepisiario kadagiti dadduma pay a programa nga ididiaya ti gobierno probinsial.
Naammoan a makaawat ti sangapulo a ribu a pisos ti tunggal maysa a distressed Overseas Filipino Worker.
Kabayatanna, iti agdama ket manarimaan pay laeng ti pannakaipinal ti listaan dagiti nagan a kualipikado a makaala ti nasao a programa.
